Beste proiektu batzuk
Eraldaketa soziala lankidetzaren bidez bilatzea
Nafarroako Kutxa Fundazioak eta ”la Caixa” Fundazioak komunitatearen eraldaketa soziala bilatzeko duten helburu komunak beste erakunde batzuekiko lankidetzan oinarritutako proiektuak sustatzera gaituzte. Kultura, adimen-desgaitasuna duten pertsonak, adinekoak edo inpaktu-ekonomia bezalako arloei lotutako ekimenak dira.
Horrela, Nafarroako Antzoki Sarea, Iruñeko Udala edo A la Par Fundazioa bezalako erakundeak erabakigarriak izan dira aliantza honen jarduera zabaltzen jarraitzeko. Innova Programatik helarazten den lankidetza-lana sustatzeko asmoa horrelako ekimenetan frogatzen da lehen pertsonan.
Beti Lagunduta
Programa hau ”la Caixa” Fundazioak sustatzen du eta Iruñean garatzen da Nafarroako Kutxa Fundazioaren eta Iruñeko Udalaren laguntzarekin; 2025ean bete zuen... GEHIAGO IRAKURRI
UAVDI
Nafarroako Adimen Desgaitasuna duten Biktimen Arretarako Unitateak 2025ean bete zuen bere hirugarren urtea, hasierako helburuei eutsiz... GEHIAGO IRAKURRI
Inpaktu-ekonomia
Nafarroako Kutxa Fundazioak eta ”la Caixa” Fundazioak gizartea eraldatzeko gaitasun handiagoa nola lor dezaketen jakiteko hausnarketa-prozesuaren barruan, 2025ean zehar... GEHIAGO IRAKURRI
Ohaltzara Salto a Escena
Ohaltzara Salto a Escena ”la Caixa” Fundazioarekiko aliantzaren esparruan babesten dugun ekimena da, Arte Eszenikoak gazteengana hurbiltzeko eta sustatzeko... GEHIAGO IRAKURRI
Beti Lagunduta
”la Caixa” Fundazioak sustatzen duen eta Iruñean Nafarroako Kutxa Fundazioaren eta Iruñeko Udalaren laguntzarekin garatzen den programa honek 2025ean bete zuen Nafarroako hiriburuan ezarri zeneko bosgarren urteurrena. Donibane, Iturrama eta Txantrea auzoak izan ziren, berriz ere, adinekoen nahi gabeko bakardade-egoerak lantzea helburu duen ekimen hau garatzeko aukeratutakoak.
2025. urtean programa adinekoen zentroetan finkatu zen, eta horrek erraztu egin zuen Beti Lagunduta programa bakardadean esku hartzeko erreferente bihurtzea eta programarako bideratze-kopurua handitzea.
Komunitatearen inplikazio handiagoa
Aurten komunitatearen inplikazio handiagoa lortu da, eta horri esker, ekintzen antolaketan baino gehiago pertsonengan jarri ahal izan da arreta. Baliozkotutako talde-esku hartzeek auzoetako adinekoekin lan egiten duten erakunde erreferente gisa dugun presentzia indartu zuten, eta baliabide profesional gisa ikusarazi gintuzten. Parte-hartzaileen balorazioak oso positiboak izan dira, batez ere kideekin esperientziak partekatzeari eta bizi-egoera konplexuak identifikatzeari dagokionez. Bat datoz, halaber, beren animo-egoerak hobera egin duela nabarmen, beren bizitzaren gaineko kontrol handiagoa dutela sentitzen baitute.
Interakzio- eta topaketa-ekitaldiak
Aipagarria izan zen, halaber, interakzio- eta topaketa-ekitaldien garrantzia, hau da, Beti Lagunduta programako profesionalek, osorik edo beste erakunde batzuekin lankidetzan, antolatu eta dinamizatutako jarduerena. Harrera egiteari eta jorratu gabeko bakardade-egoerak edo baliabide profesionaletara iristen ez diren konplexutasunak detektatzeari arreta berezia eskaintzen zaien guneak dira. Izan ere, Auzo Unitatearekin eta Komunitate Poliziarekin koordinazio estua behar izan zuten hainbat egoera konplexutan esku hartu zen. Auzo bakoitzak Gizarte Ekintzako Talde bat du, eremu bakoitzeko erakundeek eta eragileek osatua. Iruñeko Udalak sustatutako hileroko bilerak egiten dituzte.
"Iruñean udatiar"
Beti Lagunduta programak “Iruñean udatiar" udako jarduera burutu zuen. Gero eta nabariagoa den errealitate bati erantzuten saiatu zen: garai horretan Iruñean adinekoen kopuruak gora egitea eta jarduerak eta harreman-euskarriak gutxitzea. 2025ean parte-hartzeak gora egin zuen aurreko urteekin alderatuta, eta parte-hartzaileek oso balorazio positiboa egin zuten.
Zer da "Beti Lagunduta"?
"Beti Lagunduta" jardunaldia
UAVDI (Adimen Desgaitasuna duten Biktimen Arretarako Unitatea)
Nafarroako Adimen Desgaitasuna duten Biktimen Arretarako Unitateak 2025ean bete zuen bere hirugarren urtea, hasierako helburuei eutsiz. A la Par Fundazioak eta Incluye mikrokooperatibak garatzen dute Nafarroako Kutxa Fundazioaren eta ”la Caixa” Fundazioaren lankidetza-ekimen hau.
Beste urte batez, beharrezko laguntzak eman zizkien adimen-desgaitasuna duten eta abusuak edo tratu txarrak (fisikoak, psikologikoak, sexualak zein ekonomikoak) jasan dituzten edo jasaten ari diren pertsonei. Bai sistema judizialerako sarbidean emandako laguntza, bai laguntza terapeutikoa, funtsezkoak dira artatutako pertsonentzat.
2025ean egindako ekintzak
2025ean 72 pertsona artatu ziren eta adimen-desgaitasuna duten pertsonei zuzendutako abusuen prebentzioari eta detekzioari buruzko prestakuntza eman zitzaien 754 pertsonari; horien artean: 523 profesional, adimen-desgaitasuna duten 315 pertsona eta 39 familia.
Abusuen prebalentzia oso altua
Adimen-desgaitasuna duten pertsonen aurkako abusuen prebalentzia oso altua da adimen-desgaitasunik ez duten biztanleekin alderatuta. Kalkuluen arabera, adimen-desgaitasuna duten emakumeen % 60 eta % 80 artean, eta gizonen % 25 eta % 35 artean, abusuren baten biktima izan dira beren bizitzan zehar.
Zer da UAVDI?
Inpaktu-ekonomia
Nafarroako Kutxa Fundazioak eta ”la Caixa” Fundazioak gizartea eraldatzeko gaitasun handiagoa nola lor dezaketen jakiteko hausnarketa-prozesuaren barruan, 2025ean filantropiako joera berri batean sakondu zen: inpaktu-ekonomia.
Eredu honek onura finantzariotik haratago doan ikuspegi ekonomikoa proposatzen du: kudeaketa-erabaki bakoitzak gizartean eta ingurumenean inpaktu positibo, neurgarri eta gardena ere sortzea bilatzen du. Filantropia eta erantzukizun sozial tradizionala gainditzen ditu, xedea estrategia nagusian integratuz eta enpresak eraldaketa-agente bihurtuz.
Hausnarketa horren barruan, gai honi buruzko topaketa bat antolatu zen CIVICANen apirilean, estatuko eragile nagusietako batzuekin. Horrela, programak hogei parte-hartzaile baino gehiago izan zituen, eta horien artean pertsona hauek nabarmendu daitezke: Eugenio Solla (CaixaBank), Enrique García (Cofides), María Ángeles León (Open Value), José Manuel Caballol (Hogar Sí), Alberto Matellán (Mapfre) edo Yolanda Minguito (Triodos Bank).
Bi fundazioek Nafarroako Gobernuaren laguntza izan zuten eta jardunaldia amaitzeko, Innovaren babespean Ikaskuntza Komunitate bat sortzeko konpromisoa hartu zuten. Gai hori jada errealitate bat da eta 2026an jarriko da martxan.
Zer da?
Eredu ekonomiko bat da, finantzarioez gain, gizarte- eta ingurumen-onura positiboak sortzea bilatzen duena. Erakunde inbertitzaileentzat ez ezik, bereziki gizartearentzat eta ingurumenarentzat ere balioa sortzean oinarritzen da, enpresa-jardunbide jasangarri eta arduratsuak sustatuz. Kontzeptu hau herrialde anglosaxoietan garatu zen jatorriz, hala nola Ameriketako Estatu Batuetan eta Erresuma Batuan, nahiz eta beste batzuetara zabaldu den, hala nola Portugalera, Herbehereetara edo Espainiara.
Inpaktu-ekonomia ez da hirugarren sektoreak gidatutako eta kolektibo ahulenei eragiten dieten proiektuei laguntzeko eredu berri gisa planteatzen, baizik eta ohiko ereduen (hala nola laguntza-deialdien edo babesletzaren) alternatiba gisa sortzen da. Filantropia egiteko modu berri bat da, enpresa-eremura ere irekitzen dena, betiere funtsezko kontzeptuak kontuan hartuta, hala nola inpaktuaren neurketa, ingurumen-jasangarritasuna, epe ertainerako lana eta gobernantza-eredu etikoak.
"Inpaktu-ekonomia"-ri buruzko jardunaldia
Ohaltzara - Salto a Escena
Ohaltzara Salto a Escena ”la Caixa” Fundazioarekiko aliantzaren esparruan babesten dugun ekimena da, Arte Eszenikoak gazteengana hurbiltzeko eta bitartekaritza- eta prestakuntza-prozesuen bidez haien kultur partaidetza sustatzeko diseinatua.
Nafarroako Antzoki Sareak sustatua (35 udalek osatzen dute), programak aukera ematen du eszenatoki-jarduera lurraldeko hainbat udalerritara eramateko, antzerki, dantza, antzerki-forum eta sormen-tailerren proposamenen inguruan artikulatuta.
Inpaktua neurtzeko prozesua
Garapen artistikoaz haratago, Fundazioak hiru urterako inpaktua neurtzeko prozesu batean murgilduta gaude, programaren helburuak aldaketarik eragiten ari diren sistematikoki neurtzeko aukera emango diguna. Jarraipen honen bidez, Ohaltzarak gazteek Arte Eszenikoetara sartzeko dituzten oztopoak gainditzen nola laguntzen duen aztertu nahi da, baita praktika artistikoaren bidez haien jabekuntza eta garapen pertsonal zein kolektiboa nola afaltzen duen ere.
Lankidetza neurtzea eta deszentralizazioa eta dibertsifikazioa sustatzea
Proiektuak programak udaleko kultura-arloen eta ikastetxeen arteko lankidetza indartzeko duen gaitasuna ere ebaluatuko du, baita Nafarroako gazteei zuzendutako kultur eskaintzaren deszentralizazioan eta dibertsifikazioan aurrera egiteko duena ere.
Zer da Ohaltzara - Salto a Escena?
