Udako Campusa

Pertsonen arteko harremanak eta gizarte-erantzukizuna sustatzea

Udako Campusak adin bakoitzera egokitutako programa eskaintzen du uztailean eta abuztuan, asteko egonaldiekin.

Adin desberdinetarako jarduera pertsonalizatuak garatzen dira, hiru talderekin: kimuak (7 urtetik 9 urtera), haurrak (10 urtetik 12 urtera) eta eoloak (13 urtetik 15 urtera).

Egiten diren jardueren artean, nabarmentzekoak dira itsasontziz egindako ibilaldiak, txangoak, paddle surfa, ginkanak Hondarribian barna, tailerrak, gaueko jolasak, arrauna, bela, surfa… eta abar.

Udako Campusean pertsonen arteko harremanak eta gizarte-erantzukizuna sustatzea lantzen da, kolonietan gertatzen den benetako bizikidetza-testuingurua aprobetxatuz.

Helburu nagusia naturaren barneko esperientzia bat bizitzea da. Parte-hartzaileek Nafarroan aurki dezaketenaz bestelako ingurune batekin harremanetan egotea eta haien gizarte- eta harreman-trebetasunak garatzen laguntzea. Sormena eta irudimena sustatuz.

Garapen jasangarrirako helburuak dira egonaldian lantzen den zeharkako gaiaren esparrua. 17 GJHak, aisialdiko hezkuntzaren ikuspegitik, balio unibertsalak barneratuz.

2025ean

Udako Campusa da parte-hartze gehien dituen jarduera, guztira 2.104 familia Nafarroako geografia osokoak. Parte-hartze aktiboa eta aurkikuntzan oinarritua lantzen da, funtsezko ikaskuntzekin, hala nola herritarren kontzientzia eta erantzukizuna, gizarte-konpromisoa, bizikidetza eta gizarte-kohesioa. Eta 2025ean zehar zeharkako hainbat gai planteatu dira: ekonomia zirkularra eta horrek jasangarritasunarekin eta GJHekin duen lotura, miel-osasuna eta tratu ona eta indarkeriaren prebentzioa.

Nafarroa Kutxa Fundazioaren helburua gizarte inklusiboagoa, bidezkoagoa eta, batez ere, ahultasun-egoeran dauden kolektiboei zuzendutakoa lortzeko lan egitea da. Hori dela eta, “Elkarrekin Hazten” programa sortu da, Nafarroa Kutxa Fundazioaren Hondarribiko Kolonietan garatzen dena. Helburua ahultasun-egoeran dauden haurrei egun batzuetako esperientzia paregabea eskaintzea da, ingurune seguru, aberasgarri eta alaitasunez betetako batean.